السلام عليكم ورحمه الله وبركاته
النهارده اثناء قرائتي لتعليقات الاعضاء ربما نجد اي معلومه تساعدنا وجدت تعليق وقفت قدامه كتير
وحطيت نفسي مكان الطفل لقيت اني كنت ممكن اختار الموت ولا يحصل كده
اتفضلوا التعليق
( امبارح حصل حاجه غريبه جدا كنت بشتري حاجات من عند العلاف وانا واقفه لاقيت طفل صغير حلو اوي لفت انتباهى لاقيته جاي بيقولى انا عايز حاجه لله ياطنط طريقته فى الكلام مايدلش انه من اولاد الشوارع قولتله فين ماما ياحبيبي الولد سكت وبعدين لاقيت واحده ست وحشه اوي بتنادى عليه وبتقولى انتى عايزه ايه منه بس دي مستحيل تكون ماماته مافيش شكل خالص . والست دى واقفه معايا لاقيت واحد شكله بلطجى بينادى عليهم وجاي عليا استغربت الطفل فضل يبكى جامد ويقول ونبى ونبي بقوله هو في اي الراجل قالى خليكي في حالك ياست )
الولد في اللحظه دي كان نفسه حد يقف معاه وياخده منهم حتي لو مش هايرجعه لاهله لكن للاسف مفيش حد
احنا مش بنلوم الست وبرضه للعلم الناس اللي بتقول الشرطة السبب انا كنت بكلم ناس من الشرطة علي جرايم كتير كان الجواب انك تلاقي ظابط شريف يقبض علي القاتل او الحرامي ولكن ضعف القوانين المجرم يخرج براءه واكيد كلنا فاكرين الطفله زينه
علشان كده احنا فكرنا في شئ جذري وهو المطالبه باصدار قانون بالحكم بالاعدام علي كل شخص يخطف طفل او اي انسان ومهما كان العدد مفيش حاجه اسمها توزيع القضيه عليهم
احنا عملنا الهاشتاج ده
#الاعدام_لخاطفي_اطفالنا
ياريت الكل يشاركنا في نشره علي كل انحاء الفيس بوك يكتبه في ردوده في صفحته وعلي صفحات اصحابه وعلي صفحات اي حد ولو حد سالك عن الهاشتاج ممكن تقوله علي الفكرة وتطلب منه يساعدنا في نشر الهاشتاج ده
مش عايزين حد يتكسف ولا يكبر دماغه
فكر في صورة الطفل اللي بيتخطف من اهله وبيبقي متعلق بقشايه ان حد ينقذه من اللي هو فيه
ولا تنسوا الدعاء لمؤمن وسلمي ويوسف وعلي وعبدالله وغيرهم اللي نعرفه واللي مش عارفينه
واظن الفكرة دي لو مش هاتساعد في نشرها يبقي لو سمعت عن حد بتحبه حصله نفس الموقف متقولش ياريتني كنت ساعدت في نشر الحمله ومنع الضرر عن الغير
محتاجينكم معانا علشان نرجع كل طفل لاهله
وجزاكم الله خير
شارك الموضوع على الفيس بوك |
0 التعليقات:
إرسال تعليق