السلام عليكم ورحمه الله وبركاته
شايفين الصورة دي كويس عايزكم تحفظوها كويس اوي
بطلب بقه من كل جمعيات الرفق بالحيوان تحاول تساعد البنت دي واللي زيها
البنت كانت بتبيع لبان في المترو ونامت وجنبها الفلوس واللبان
سواء كانت مخطوفه او غير مخطوفه ربنا هايحاسبنا عليها
قاعدين نعمل في مؤسسات لحقوق الانسان والطفل والمراه وكله كلام علي الورق
من فضلكم اقفلوا المؤسسات دي لانها ملهاش اي لازمه
لما طفله زي دي يحصل فيها كده ويبقي شئ عادي
يبقي الافضل لنا نقول عليه العوض
طبعا الناس هاتقول والحكومه بتعمل ايه هي السبب والكلام اللي بنقوله ده
لكن انا بقول مفيش اي واحد بيدخل المترو عنده ضمير وشاف البنت كده وضيع ربع ساعه من وقته وشاف البنت وعمل فيها جميل حتي ياخدها ويوديها ملجا يمكن تعرف تنام
لو ليها اهل في بلاد بره كانوا هاياخدوها منهم
ولو مخطوفه ومش بتهمهم يبقي غلطه الناس كلها انها مش عايزه تساعد باي شئ
ونيجي بعد كده نقول البلد فيها بلطجيه وجواسيس وحراميه ورقاصات وكل حاجه وحشه او مكروهه ... الخ
يعني تتخيلوا بنت بالشكل ده لو كبرت هاتبقي بتحب البلد او بتحب الناس او هاتبقي ايه
الطبيعي انها كلمه بتكرة الناس والبلد يبقي حاجه قليله
كلنا حافظين (ان سالوك عن العدل فقل مات عمر )
صحيح سيدنا عمر كان من صفاته العدل
ولكن الناس كلها كان عندها رحمه ودين لكن لو سيدنا عمر في الزمن ده مش عارف بصراحه ااقول ايه
اتقوا الله يا كل واحد في البلد دي وافتكر انك لو قولت انا مالي اساعدهم ليه يبقي متبقاش تزعل لو حد سرقك او حاول يقتلك او يخطف اولادك
مش بنبرر علي فكرة الاجرام اللي بيحصل
لكن علي الاقل الاطفال الموجوده دلوقت نحاظف عليها ويبقي قللنا الجرايم اللي هاتحصل بعد 10 سنين
شارك الموضوع على الفيس بوك |
0 التعليقات:
إرسال تعليق